Þeir nemendur sem stefna á útskrift í maí þurfa að skrá sig hjá Ingu Þóru aðstoðarskólameistara í síðasta lagi mánudaginn 18. janúar. Skráning fer fram með því að senda tölvupóst á ingathora@fmos.is eða hringja í síma 412-8500.

Töflubreytingum er lokið en frestur til að segja sig úr áfanga er til 28. janúar n.k.

Við minnum á Teams fundinn í dag, fimmtudaginn 7. janúar kl. 14:00. Fundarboð með hlekk á fundinn var sent nemendum í tölvupósti í gær (miðvikudag). Forráðamenn nemenda yngri en 18 ára fengu einnig póst. Farið verður yfir skipulag vorannarinnar.

Þeir nemendur sem ætla að skrá sig í sænsku eða norsku í MH á vorönn 2021 hafi samband við skrifstofu FMOS sem allra fyrst með því að senda póst á fmos@fmos.is

Búið er að opna fyrir töflubreytingar í Innu hjá þeim nemendum sem hafa greitt skólagjöldin fyrir vorönn 2021. Töflubreytingar verða opnar dagana 5.-10. janúar.

Skrifstofan skólans er opin og við komin á fullt að skipuleggja skólastarf næstu vikna út frá gildandi sóttvarnarreglum, sem tóku gildi 1. janúar sl.

Útskriftarhátíð Framhaldsskólans í Mosfellsbæ fór fram föstudaginn 18. desember sl. við hátíðlega athöfn í húsnæði skólans við Háholt 35 í Mosfellsbæ. Vegna sóttvarna- og fjöldatakmarkana var útskriftarefnum skipt í tvo hópa með hvor sína athöfnina sem var streymt á Facebook síðu skólans. Aðstandendur og kennarar skólans gátu því fylgst með athöfnunum í beinni útsendingu.

Útskriftarhátíð Framhaldsskólans í Mosfellsbæ fer fram á morgun, föstudaginn 18. desember, og verður athöfninni streymt svo aðstandendur og aðrir áhugasamir geti fylgst með.

Frá og með morgundeginum, 16. september, breytum við stundatöflunum og aukum staðkennsluna.

Alþjóðlegur forvarnadagur sjálfsvíga er í dag, fimmtudaginn 10. september 2020.