Skólinn hefst skv. stundatöflu miðvikudaginn 18. ágúst. Grímuskylda er í skólanum og grímur verða aðgengilegar við alla innganga. Inngangar á 2. og 3. hæð skólans verða opnir þannig að nemendur geta gengið beint inn í klasana ef þeir vilja. Eftir hverja kennslustund þurfa nemendur að þrífa sitt vinnusvæði (borð og stóla). 

Kynning fyrir nýnema (árg. 2005) verður þriðjudaginn 17. ágúst kl. 10 og gert er ráð fyrir að henni verði lokið ekki seinna en kl. 12. Kennsla hefst síðan miðvikudaginn 18. ágúst skv. stundatöflu.

Miðvikudaginn 11. ágúst geta nemendur, sem hafa greitt skólagjöld fyrir haustönn 2021, skoðað stundatöflur sínar í Innu. Þá verður einnig hægt að óska eftir töflubreytingum en þær fara fram rafrænt í gegnum Innu dagana 11.-16. ágúst.

Sumarlokun skrifstofunnar er frá og með miðvikudeginum 23. júní. Við opnum aftur fimmtudaginn 5. ágúst kl. 10.

Útskriftarhátíð Framhaldsskólans í Mosfellsbæ fór fram föstudaginn 28. maí s.l. við hátíðlega athöfn í húsnæði skólans við Háholt 35 í Mosfellsbæ og streymt beint á vefnum. Að þessu sinni voru tuttugu og átta nemendur brautskráðir.

Föstudaginn 28. maí kl. 14:00 verður útskriftarhátíð í FMOS og eru 28 nemendur að útskriftast að þessu sinni. Vegna fjöldatakmarkana geta útskriftarnemar boðið með sér 2 gestum að hámarki en einnig verður hægt að fylgjast með athöfninni á netinu, krækju á streymið má finna hér neðar í þessari frétt.

Síðasti kennsludagur seinni spannar var í gær, þriðjudaginn 18. maí. Einkunnir fyrir þá áfanga sem nemendur luku á seinni spönn munu birtast jafnóðum í Innu fram til kl. 9 á föstudaginn 21. maí.

FMOS og menntavísindasvið HÍ er í samstarfi um menntun kennaranema. Á skólaárinu 2020-2021 hafa 15 kennaranemar stundað vettvangsnám við skólann sem er metfjöldi.

Gleðilegt sumar og takk fyrir veturinn.

"Mér finnst að allir ættu að koma í FMOS því hérna er svo ótrúlega mikil fjölbreytni." Það er alveg ljóst að nemendur FMOS eru ánægðir með skólann sinn. Smelltu á fréttina og kíktu á myndbandið.