Lýðheilsu- og forvarnarstefna

• nemendur og starfsfólk komi fram við hvert annað af gagnkvæmri virðingu,
• efla sjálfstraust og líkamlega vellíðan nemenda og starfsfólks,
• draga úr þáttum sem hafa neikvæð áhrif á heilsu og velferð,
• sporna gegn einelti af hvaða tagi sem er.

Við ætlum að ná markmiðum okkar með því að:

• hvetja nemendur til að taka virkan þátt í námi og félagslífi,
• upplýsa og fræða nemendur um mikilvægi þess að taka ábyrgð á líkamlegri og andlegri heilsu og aðstoða þá við að finna leiðir,
• starfsmenn séu meðvitaðir um líðan nemenda og komi til móts við þarfir þeirra,
• auka aðgengi og jöfnuð nemenda að hreyfingu á og fyrir utan skólatíma,
• skólinn eigi viðbragðsáætlanir tengdar forvörnum, t.d. einelti og ofbeldi/kynferðislegu áreiti, og framfylgi þeim,
• koma í veg fyrir eða seinka neyslu hvers kyns fíkniefna,
• efla uppbyggilegt starf, t.d. íþróttir, listir og félagsstörf,
• fræða starfsfólk um forvarnir og leiðir til að styðja við nemendur,
• hvetja foreldra til að taka virkan þátt í skólagöngu barna sinna,
• auka tengsl skóla við nærsamfélagið, t.d. íþróttafélagið og heilsugæsluna.

Nemendur skólans fara allir í áfanga sem kallast hreyfing og lýðheilsa. Í áfanganum er lögð áhersla á forvarnarfræðslu og nýtingu hennar til að stuðla að heilbrigðum lífsstíl í framtíðinni. Framtíðarfærni er áfangaröð sem er í kjarna allra brauta (frá haustönn 2024) en þar er unnið með  ýmis konar forvarnir.

Hvert get ég leitað?

• Námsráðgjafi FMOS
• Forvarnarfulltrúi FMOS
• Jafnréttisfulltrúar FMOS
• Áttavitinn – Upplýsingagátt fyrir ungt fólk
• Fíkniefnasími lögreglunnar: s: 800-5005 – Gjaldfrjálst númer
• Hjálparsími Rauða Krossins s: 1717 – Gjaldfrjáls, opinn allan sólarhringinn og númerið kemur ekki fram á símareikningi
• SÁÁ s: 530-7600 – Áfengi- og vímuefni
• Stígamót s: 562-6868 og 800-6868 – Opið öllum þeim sem orðið hafa fyrir kynferðislegu ofbeldi og aðstandendum þeirra
• Umboðsmaður barna s: 552-8999

FMOS er heilsueflandi framhaldsskóli frá og með haustinu 2011.

Hvers konar verkefni er um að ræða?
Verkefnið snýr að heildrænni stefnu í forvarna- og heilsueflingarmálum sem gerir framhaldsskólum kleift að marka sér skýra stefnu, skerpa á aðgerðaráætlunum og forvörnum og jafnframt mynda á hagnýtan hátt skýran ramma utan um þennan almenna málaflokk. Verkefnið hefur verið þróað í samráði við mennta- og menningarmálaráðuneytið og heilbrigðisráðuneytið, undir formerkjum HoFF samstarfsins. Heilsuefling og forvarnir í framhaldsskólum (HoFF) er samstarfsverkefni mennta- og menningarmálaráðuneytisins, heilbrigðisráðuneytisins, Lýðheilsustöðvar, Sambands íslenskra framhaldsskólanema (SÍF) og Hagsmunaráðs íslenskra framhaldsskólanema (HÍF). Höfuðáhersla verkefnisins er á fjögur viðfangsefni, þ.e. næringu, hreyfingu, geðrækt og lífsstíl. Eitt viðfangsefni er tekið fyrir á hverju ári. Því eru viðfangsefnin jafn mörg og námsár flestra framhaldsskólanema (en sameina má málaflokka í samræmi við styttri námsbrautir). 

Síðast breytt: 23. apríl 2025