Það var líf og fjör á þemadeginum okkar í gær. Engin kennsla en allir úti og inni að leika. Dagurinn endaði á árshátíð í Gullhömrum um kvöldið með frábærum skemmtiatriðum og miklu stuði.

Í valáfanganum, Ástin, glæpir og fantasían, hafa nemendur verið að kljást við hin ýmsu form bókmennta og hafa komið við víða. Þau hafa búið til sína eigin „Sherlock og Watson“, þau hafa búið til hinar ýmsu útgáfur af smásögum og þróað sínar eigin hugmyndir.

Opið hús fyrir nemendur í 10. bekk og foreldra/forráðamenn þeirra verður í FMOS miðvikudaginn 6. apríl kl. 17:00-18:30.

Á fimmtudaginn, 31. mars, verður þemadagur hjá okkur í FMOS og endum við daginn á árshátið í Gullhömrum um kvöldið. Nemendur hafa fengið dagskrá þemadagsins og fleiri upplýsingar varðandi fyrirkomulagið sendar í tölvupósti. 

Óskilamunakassinn í Upplýsingamiðstöðinni er að fyllast! Þeir sem hafa týnt húfu, vettlingum, pennaveski, snúru eða bara einhverju endilega kíkið við hjá Öglu og athugið hvort hún hafi fundið það.

Alþjóðadagur vatnsins var þann 22. mars og sem UNESCO skóli þá héldum við í FMOS upp á daginn. Fyrstu tvo tímana var hefðbundin kennsla en eftir það gengu nemendur í hópum um skólann og leystu hinar ýmsu þrautir sem allar tengdust vatni á einn eða annan hátt.

Nemendur í leirmótun tóku fullkláraða hluti úr brennsluofninum í síðustu viku og prufukeyrðu listaverkin. Það voru m.a. bollar og nammiskálar, svo auðvitað varð að hella uppá gott te og setja nammi í skálarnar. Allir voru sammála um að aldrei hefði teið og nammið smakkast betur!

Árshátíð nemenda FMOS verður haldin fimmtudaginn 31. mars í Gullhömrum í Grafaholti. Miðasalan fer fram fyrir utan matsalinn í verkefnatímum og í hádeginu alla þessa viku. Síðasti dagur til að kaupa sér miða verður á föstudaginn 25. mars.

Viðhorfskönnun nemenda fyrir vorönn 2022 er opin í Innu. Við hvetjum alla nemendur skólans til að nýta tækifærið til að koma sjónarmiðum sínum á framfæri. Könnunin verður opin til kl. 22:00 föstudaginn 25. mars.

Það er gaman að segja frá því að Framhaldsskólinn í Mosfellsbæ varð í 3. sæti í könnuninni Stofnun ársins 2021 af framhaldsskólum á höfuðborgarsvæðinu og í 11. sæti í flokkinum meðalstórar stofnanir. Við erum afskaplega ánægð með þessar niðurstöður.