Opið hús fyrir nemendur í 10. bekk og foreldra/forráðamenn þeirra verður í FMOS miðvikudaginn 6. apríl kl. 17:00-18:30.

Á fimmtudaginn, 31. mars, verður þemadagur hjá okkur í FMOS og endum við daginn á árshátið í Gullhömrum um kvöldið. Nemendur hafa fengið dagskrá þemadagsins og fleiri upplýsingar varðandi fyrirkomulagið sendar í tölvupósti. 

Óskilamunakassinn í Upplýsingamiðstöðinni er að fyllast! Þeir sem hafa týnt húfu, vettlingum, pennaveski, snúru eða bara einhverju endilega kíkið við hjá Öglu og athugið hvort hún hafi fundið það.

Alþjóðadagur vatnsins var þann 22. mars og sem UNESCO skóli þá héldum við í FMOS upp á daginn. Fyrstu tvo tímana var hefðbundin kennsla en eftir það gengu nemendur í hópum um skólann og leystu hinar ýmsu þrautir sem allar tengdust vatni á einn eða annan hátt.

Nemendur í leirmótun tóku fullkláraða hluti úr brennsluofninum í síðustu viku og prufukeyrðu listaverkin. Það voru m.a. bollar og nammiskálar, svo auðvitað varð að hella uppá gott te og setja nammi í skálarnar. Allir voru sammála um að aldrei hefði teið og nammið smakkast betur!

Árshátíð nemenda FMOS verður haldin fimmtudaginn 31. mars í Gullhömrum í Grafaholti. Miðasalan fer fram fyrir utan matsalinn í verkefnatímum og í hádeginu alla þessa viku. Síðasti dagur til að kaupa sér miða verður á föstudaginn 25. mars.

Viðhorfskönnun nemenda fyrir vorönn 2022 er opin í Innu. Við hvetjum alla nemendur skólans til að nýta tækifærið til að koma sjónarmiðum sínum á framfæri. Könnunin verður opin til kl. 22:00 föstudaginn 25. mars.

Það er gaman að segja frá því að Framhaldsskólinn í Mosfellsbæ varð í 3. sæti í könnuninni Stofnun ársins 2021 af framhaldsskólum á höfuðborgarsvæðinu og í 11. sæti í flokkinum meðalstórar stofnanir. Við erum afskaplega ánægð með þessar niðurstöður.

Síðasti dagur til að velja áfanga fyrir haustönn 2022 er í dag, föstudaginn 18. mars. Allir nemendur sem ætla sér að vera í skólanum verða að ganga frá vali annars eiga þeir ekki vísa skólavist á næstu önn.

Framhaldsskólanemendur við Nykøbing Katedralskole voru á Íslandi í nokkra daga og ákváðu kennarar þeirra ásamt kennara og 12 nemendum í dönskuáfanga í FMOS að skipuleggja smá hitting í Reykjavík. Markmiðið var að hittast í litlum hópum og ganga um miðbæinn og spjalla. Á dönsku, að sjálfsögðu!