Ný Íslenskubraut

Opnað hefur verið fyrir umsóknir á Íslenskubraut í FMOS en brautin er fyrir nemendur af erlendum uppruna. Hægt er að sækja um og skoða stöðu umsókna á vef Miðstöðvar menntunar og skólaþjónustu.

Nem­endur með annað móðurmál en íslensku hafa ólíkan bak­grunn hvað varðar nám, menn­ingu og tungumál. Þeir hafa mis­mikla und­irstöðu í eigin tungu­máli, læsi og námi og eru því mis­jafn­lega und­ir­búnir til að takast á við nýtt tungumál í nýju umhverfi. Þeir hafa einnig verið mis­lengi á Íslandi og fengið ólík tæki­færi til að kynnast íslenskri tungu. Með námi á braut­inni er stefnt að því að opna mögu­leika nem­enda á frekara námi við íslenska fram­halds­skóla og að þeir verði sem best í stakk búnir til að taka virkan þátt í íslensku, lýðræðislegu þjóðfélagi.

Brautin er opin öllum nemendum af erlendum uppruna sem hafa náð framhaldsskólaaldri, hver svo sem námslegur bakgrunnur þeirra er. Námið á brautinni er fjórar annir og er megináherslan á íslenskukennslu. Nánari upplýsingar um skipulag brautarinnar má finna hér.   

Við hlökkum til að takast á við þetta spennandi verkefni.