UMHV3ÍS05 - Auðlindir Íslands

Í áfanganum er lögð áhersla á umhverfismál tengd Íslandi en einnig á hnattvísu. Fjallað er um sjálfbæra auðlindanýtingu og sjálbæra þróun. Lögð er áhersla á að nemendur skoði sjálfbæra þróun í víðu samhengi og velti fyrir sér mikilvægi umhverfismála, félagslegra þátta og efnahagslegra áhrifa. Sérstaða Íslands í orkumálum er skoðuð. Nemendur kynna sér innlenda orkugjafa og velta fyrir sér hvað felst í hagnýtri orkunýtingu. Teknar eru fyrir ólíkar gerðir vistvæns eldsneytis og skoðaðir kostir og gallar þeirra.  Lögð er áhersla á að nemendur kynni sér og vinni með umhverfismál sem eru efst á baugi hverju sinni. Nemendur eru hvattir til að skoða umhverfismál á gagnrýninn hátt, velta fyrir sér ólíkum sjónarmiðum og mynda sér eigin skoðanir.

Þekkingarviðmið

Nemandi skal hafa öðlast þekkingu og skilning á:

  • sérstöðu Íslands í umhverfismálum
  • helstu auðlindum Íslands
  • grænni orku
  • ólíkum kostum í eldsneytismálum
  • hvernig umhverfismál, félagslegir þættir og efnahagsleg áhrif, tengjast hugmyndinni um sjálfbæra þróun
  • vatni sem auðlind
  • nýtingu jarðvarma og vatnsaflsvirkjana
  • hnattrænni hlýnun og vendipunktum í þeirri þróun

Leikniviðmið

Nemandi skal hafa öðlast leikni í að:

  • beita gagnrýnni hugsun við að afla sér upplýsinga um umhverfismál
  • útfæra hugmyndir um sjálfbæra þróun þar sem tekið er tillit til umhverfismála, félagslegra þátta og efnahagslegra áhrifa
  • nýta kunnáttu sína til að bæta og breyta eigin lífsstíl og neyslumynstri
  • miðla áreiðanlegum upplýsingum um umhverfismál og nýtingu á landsins gæðum
  • skilja mikilvægi sjáfbærrar nýtingar auðlinda
  • meta ábyrgð, orsakir og afleiðingar ágangs mannsins á umhverfið og auðlindir náttúrunnar

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • túlka á gagnrýninn hátt upplýsingar sem tengjast umhverfismálum
  • taka ábyrga og rökræna afstöðu til nýtingar náttúruauðlinda
  • skilja hugtök tengd sjálfbærri auðlindanýtingu og geta tekið þátt í umræðu um þau málefni
  • taka ábyrga og upplýsta afstöðu til umhverfismála
  • vera virkur þátttakandi í umræðu um umhverfismál og auðlindir Íslands
  • sýna ábyrgð í eigin umgengni við umhverfið, náttúruna og nýtingu auðlinda
  • stuðla að sjálfbærri nýtingu auðlinda
Einingar: 5
Nánari upplýsingar á namskra.is