TÖLN1MY05 - Tölvunotkun – Myndvinnsla og tölvuteikning

Í þessum áfanga er unnið í ýmsum myndvinnsluverkefnum með forritinu Gimp. Hannað og teiknað er í tvívídd með forritinu Inkscape. Hannað og teiknað er í þrívídd með forritinu Blender. Með Blender eru teikningar renderaðar sem kyrrar myndir og sem hreyfimyndir. Teikningar unnar í tvívídd verða notaðar til að búa til límmiða, límmiða á föt og brennt í við eða plexigler hjá Fablab. Þrívíddarteikningar verða prentaðar út með þrívíddarprentara í húsakynnum FMOS.

Þekkingarviðmið

Nemandi skal hafa öðlast þekkingu og skilning á:

  • á Inkscape, Gimp og Blender sem þarf að nota í námi, starfi og sér til ánægju
  • þeim möguleikum sem tölvukunnátta getur veitt

Leikniviðmið

Nemandi skal hafa öðlast leikni í að:

  • nota Blender til að hanna hluti í þrívídd
  • nota geometry nodes í Blender til að hanna hluti
  • nota Blender til að búa til hreyfimyndir
  • nota Inkscape til að hanna hluti í tvívídd
  • vinna með myndir í Inkscape og búa til silhouttes
  • vinna með myndir og breyta þeim í myndvinnsluforritinu Gimp
  • nota þrívíddarprentara og kunna á nauðsynlegar stillingar hans
  • nota sína eigin hönnun í vinylskera og laserskera í aðstöðu hjá fablab

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • sýna sjálfstæði og frumkvæði í vinnubrögðum
  • bera ábyrgð á eigin námsframvindu
  • finna ný tækifæri til að læra meira á forrit áfangans
  • leysa úr tölvuvandamálum með aðstoð netsins
Einingar: 5
Nánari upplýsingar á namskra.is