STSÉ1JV02 - Jafnrétti, persóna og virðing

Í þessum áfanga eru skoðaðir vinnustaðir og vinnustaðamenning. Nemendur kynnast því hvað einkennir góðan vinnustað og hvernig einstaklingar geta stuðlað að góðri vinnustaðamenningu. Fjallað verður um hvernig jafnrétti allra skiptir máli við að skapa góðan vinnuanda.

Þekkingarviðmið

Nemandi skal hafa öðlast þekkingu og skilning á:

  • mikilvægi góðra samskipta
  • jafnrétti kynjanna og stöðu þeirra í atvinnulífinu
  • rétti fólks með fötlun og skerta starfsgetu og stöðu þeirra í atvinnulífinu
  • eigin styrkleikum og áhugasviði þegar að starfsvali kemur.

Leikniviðmið

Nemandi skal hafa öðlast leikni í að:

  • eiga samskipti við fólk með mismunandi skoðanir
  • fylgja samskiptareglum á vinnustað
  • eiga í jákvæðum samskiptum á vinnustað.

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • eiga góð samskipti á vinnustöðum og virða mismunandi skoðanir
  • tilheyra starfsmannahópi
  • nýta sér eigin styrkleika og áhuga varðandi störf og atvinnuþátttöku
  • hafa trú á eigin færni og sjálfstraust til þess að takast á við ný verkefni.
Einingar: 2
Nánari upplýsingar á namskra.is