STÆS1BR02 - Almenn brot og tugabrot

Helsta markmið áfangans er að byggja ofan á þekkingu nemenda á almennum brotum og tugabrotum. Nemendur nota tölvu og vasareikni við verkefnavinnu ásamt verkefnum í Stoðkennaranum.  Í áfanganum er lagður grunnur að skipulögðum vinnubrögðum, röksemdafærslu og nákvæmni í framsetningu við lausn verkefna í stærðfræði.

Þekkingarviðmið

Nemandi skal hafa öðlast þekkingu og skilning á: 

  • almennum brotum
  • tugabrotum
  • meðferð hjálpartækja
  • að finna mismunandi aðgerðir og lausnir út frá gefnum upplýsingum
  • spilum í spilastokki
  • ýmsum spilum og þrautum.

Leikniviðmið

Nemandi skal hafa öðlast leikni í að:

  • nota algeng stærðfræðitákn
  • vinna með tölur á fjölbreyttan hátt
  • beita grunnreikniaðgerðum (samlagningu, frádrætti, margföldun og deilingu)
  • nota hjálpartæki
  • beita viðeigandi aðgerðum og nota þær á réttan hátt.

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • finna mismunandi aðferðir og lausnir út frá gefnum upplýsingum
  • setja fram tölulegar upplýsingar og skrá lausnir sínar á skipulagðan hátt
  • beita skipulögðum aðferðum við lausn verkefna sem tengjast námsefninu
  • temja sér gagnrýna en um leið skapandi hugsun
  • tileinka sér sjálfstæð vinnubrögð
  • nýta þau hjálpartæki sem bjóðast við stærðfræði daglegs lífs.
Einingar: 2
Nánari upplýsingar á namskra.is