SÁLF3ÞR05 - Þroskasálfræði

Í áfanganum er fjallað um þroskaferil mannsins og sérstaklega tekinn fyrir vitsmunaþroski, siðferðisþroski, félags- og tilfinningaþroski. Mótunaráhrif umhverfis svo sem fjölskyldu, vina og fjölmiðla eru skoðuð. Nemendur fá æfingu í að ræða um og velta fyrir sér álitamálum sem tengja má við efni áfangans. Nemendur fá töluvert val til að dýpka þekkingu sína eftir áhugasviði innan efni áfangans.

Þekkingarviðmið

Nemandi skal hafa öðlast þekkingu og skilning á:

  • viðfangsefnum og helstu álitamálum þroskasálfræðinnar
  • helstu kenningarsmiðum á sviði þroskasálfræðinnar
  • helstu hugtökum innan þroskasálfræðinnar
  • þroskaferli mannsins

Leikniviðmið

Nemandi skal hafa öðlast leikni í að:

  • meta hugmyndir og viðfangsefni þroskasálfræðinnar
  • tjá sig um sálfræðilegt efni í ræðu og riti
  • afla upplýsinga, greina þær og setja í fræðilegt samhengi
  • nýta fræðilegan texta um efnið á íslensku og erlendu tungumáli

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • vera meðvitaður um mótunaráhrif uppeldis
  • geta tekið ákvarðanir á upplýstan og meðvitaðan hátt í samskiptum við aðra
  • skilja breytingar á vitsmunaþroska manna
  • skilja þroska félags- og tilfinninga eftir mismunandi æviskeiðum mannsins
  • tjá sig í ræðu og riti við mismunandi aðstæður
  • meta eigin frammistöðu og annarra á gagnrýninn hátt
Einingar: 5
Nánari upplýsingar á namskra.is