MYNL2ET03 - Form, þrívídd, efnis- og myndbygging

Í þessum áfanga er lögð áhersla á að nemendur efli næmi sitt fyrir myndbyggingu á tvívíðum fleti. Þeir kynnast klassískum lögmálum myndbyggingar og kanna myndflötinn; hvernig eðli hans breytist eftir því hvernig form skipta honum upp og hafa áhrif á jafnvægi hans. Kannaðar verða stærðir og hlutföll forma í rými. Nemendur vinna síðan verk frá tvívíðri formfræði yfir í þrívídd. Kannaðar eru mismunandi aðferðir og eftirfarandi efnisatriði/kjarnahugtök kynnt: Punktur, lína, flötur, rými, hæð, lengd, breidd, dýpt, tími, tvívíð form, þrívíð form, náttúruform, stærðfræðileg form, samræmi, jafnvægi, misvægi, speglun, hrynjandi, taktur, endurtekning, jákvæð form, neikvæð form, áferð, uppsetning, litir.

Þekkingarviðmið

  • Möguleikum grunnformanna og línunnar
  • Forsendum myndbyggingar og fjarvíddar
  • Tvívíðum formum, myndbyggingu og möguleikum þeirra
  • Þrívíðum formum, uppbyggingu og notkun til að skapa hluti eða rýmisverk.

Leikniviðmið

  • Beita línu og formum til að ná fram mismunandi áhrifum
  • Búa til mynstur
  • Uppbyggingu myndflatar
  • Vinna myndverk í tvívíðu formi
  • Vinna myndverk í þrívíðu formi.

Hæfnisviðmið

  • Sýna sjálfstæði í vinnubrögðum og bera ábyrgð á eigin námi
  • Beita gagnrýninni og skapandi hugsun, sýna áræðni og frumkvæði við lausn verkefna
  • Tjá skoðanir sínar og skýra verklag á ábyrgan, sjálfstæðan og skýran hátt
  • Geta tengt þekkingu sína og leikni við starfsumhverfi og daglegt líf.
Einingar: 3
Nánari upplýsingar á namskra.is