MAME2FM03 - Framandi matarhefðir

Í áfanganum kynnast nemendur matargerð frá ólíkum löndum með áherslu á götueldhús og skyndibita. Í hverri viku verður nýr áfangastaður valin af hópnum í sameiningu. Nemendur vinna menningartengd verkefni um landið sem heimsótt er og mæta einu sinni í viku í verklegan tíma þar sem eldaður verður götumatur frá viðkomandi svæði. Nemendur safna að sér gögnum yfir önnina og skila inn ferilmöppu í lokin. Verkefni í ferilmöppu þurfa að vera samþykkt af kennurum til þess að vera gild til lokamats.

Þekkingarviðmið

Nemandi skal hafa öðlast þekkingu og skilning á:

  • ólíkum hefðum landa í götueldun/skyndibita
  • landafræði og mannlífi þeirra landa sem skoðuð eru
  • tónlist, kvikmyndamenningu og íþróttalífi þeirra landa sem heimsótt eru
  • meðhöndlun matvæla, nýtni og hvernig mismunandi hráefnanotkun endurspegli þau svæði þaðan sem réttirnir koma

Leikniviðmið

Nemandi skal hafa öðlast leikni í að:

  • lesa texta sem tengist matargerð og menningu
  • greina sérkenni í matarmenningu ýmissa þjóða
  • matreiða rétti frá ýmsum menningarsvæðum
  • safna saman upplýsingum til að vekja athygli á ólíkum löndum

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • afla sér upplýsinga um matargerð og menningu, greina helstu atriði þeirra og hagnýta sér í náminu
  • nálgast matarmenningu annarra svæða með opnum huga
  • útvíkka matarsmekk sinn til aukinnar lífsfyllingar
Einingar: 3
Nánari upplýsingar á namskra.is