LÝÐH1HU01 - Hreyfing utan skóla

Þessi áfangi er fyrir nemendur sem eru búnir með eitt ár í framhaldsskóla og kjósa að stunda hreyfingu utan skólatíma (ræktin, hjóla, ganga, hlaupa, dans, skíði eða önnur sambærileg hreyfing).

Þekkingarviðmið

Nemandi skal hafa öðlast þekkingu og skilning á:

  • hversu mikilvæg góð heilsa er fyrir framtíðina
  • hvað reglubundin hreyfing er góð forvörn fyrir ýmsa andlega og líkamlega sjúkdóma
  • mikilvægi úthalds-, styrktar- og liðleikaþjálfunar

Leikniviðmið

Nemandi skal hafa öðlast leikni í að:

  • auka úthald sitt, styrk og liðleika með fjölbreyttum aðferðum sem henta hverjum og einum
  • reikna út æfingarpúls fyrir brennslu- og/eða þolþjálfun
  • mæla þol, styrk og liðleika

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • nýta heilsulæsi sitt til að nálgast upplýsingar og nýta sér þær til að efla og viðhalda góðri heilsu
  • viðhalda og/eða bæta líkamlega heilsu
Einingar: 1
Nánari upplýsingar á namskra.is