LÍFF2LM05 - Mannslíkaminn

Í þessum grunnáfanga líffræðinnar verður farið í helstu þætti í líkamsstarfsemi mannsins auk þess sem lífefnafræði er kynnt. Helstu áhersluþættir eru: grunnbyggingareiningar lífs, starfsemi fruma, skynfæri og líffærakerfi mannsins. Farið verður í taugakerfi, blóðrás, meltingu, stoðkerfi, húð, vöðva, ónæmiskerfi og æxlun.

Þekkingarviðmið

Nemandi skal hafa öðlast þekkingu og skilning á:

  • grunnatriðum í lífefnafræði
  • starfsemi taugakerfis og hlutverkum boðefna
  • hlutverki húðarinnar
  • blóðrásarkerfinu
  • meltingarkerfinu
  • stoðkerfum líkamans og eðli hreyfingar
  • helstu skynfærum mannsins
  • ónæmiskerfinu

Leikniviðmið

Nemandi skal hafa öðlast leikni í að:

  • lesa og vinna með líffræðileg hugtök á íslensku og ensku
  • skoða vefi og líffæri
  • meta samspil mismunandi líffærakerfa
  • meta gagn og skaðsemi ýmissa efna fyrir líkamann
  • velja úr safni heimilda og nýta þær til að koma eigin texta til skila á skilmerkilegan máta

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • auka skilning sinn á líkamanum og þáttum tengdum honum
  • meta lífeðlisfræðilegar upplýsingar á gagnrýninn hátt
  • skiptast á skoðunum við aðra um lausnir og útskýra hugmyndir sínar og verk skilmerkilega í mæltu máli og myndrænt
  • dýpka frekar skilning sinn á mannslíkamanum til gagns og ánægju
Einingar: 5
Nánari upplýsingar á namskra.is