ÍSLS1ÍT04 - Framsögn og tjáning

Íslenskuáfangi með áherslu á munnlega framsögn og tjáningu nemenda. Markmiðið er að efla tjáningu og auka sjálfstraust nemenda. Nemendur fá þjálfun í að koma fram, tjá sig á mismunandi hátt og rökstyðja mál sitt. Þeir fá tilsögn í raddbeitingu og látbragði eftir aðstæðum hverju sinni. Áhersla er lögð á þjálfun í lestri, ritun, tjáningu og málnotkun á fjölbreyttan hátt. Lögð verður áhersla á sjálfstæð vinnubrögð auk samvinnu nemenda. Nemendur nýta sér hljóðbækur og talgervla við námið.

Þekkingarviðmið

Nemandi skal hafa öðlast þekkingu og skilning á:

  • hvers konar orðræða er við hæfi hverju sinni
  • mikilvægi mismunandi raddbeitingar
  • mikilvægi þess að vera meðvitaður um líkamstjáningu
  • notkun hjálpargagna við ritun.

Leikniviðmið

Nemandi skal hafa öðlast leikni í að:

  • koma fram fyrir nemendahópinn
  • taka þátt í umræðum
  • íhuga og tjá sig um lesefni
  • nýta sér talgervil, hljóðbækur og aðra tækni við námið.

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • vera meðvitaður um styrkleika sína
  • efla sjálfstraust og trú á eigin getu
  • hlusta á sjónarmið annarra af víðsýni
  • virða skoðanir annarra
  • nýta sér hjálpargögn við lestur og undirbúning framkomu.
Einingar: 4
Nánari upplýsingar á namskra.is