ÍSLS1GO04 - Goðafræði

Í áfanganum er fjallað um norræna goðafræði. Nemendur lesa og vinna með texta úr Snorra-Eddu. Nemendur kynnast heimsmynd víkinganna til forna, helstu goðum og hlutverkum þeirra. Fjallað er um goðafræðina í tengslum við menningu, sögu, siði, hefðir og áhrif á nútímasamfélög. Áhersla er lögð á þjálfun í lestri, ritun, tjáningu og málnotkun á fjölbreyttan hátt. Lögð verður áhersla á sjálfstæð vinnubrögð auk samvinnu nemenda. Nemendur nýta sér hljóðbækur og talgervla við námið.

Þekkingarviðmið

Nemandi skal hafa öðlast þekkingu og skilning á:

  • heimsmynd norrænnar goðafræði
  • helstu goðum norrænna manna og hlutverkum þeirra
  • innihaldi og söguþræði umfjöllunarefnisins
  • fjölbreyttum aðferðum við úrvinnslu verkefna.

Leikniviðmið

Nemandi skal hafa öðlast leikni í að:

  • fjalla um goðafræði
  • nýta sér fjölbreyttar aðferðir við verkefnavinnu
  • vanda frágang verkefna
  • nota talgervil, hljóðbækur og aðra tækni við námið.

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • greina innihald og söguþráð
  • taka þátt í málefnalegum umræðum í tengslum við námsefnið
  • útskýra hugmyndir norrænna manna um heimsmynd og trú á landnámsöld
  • skilja að norræn goðafræði er hluti af menningararfi Íslendinga
  • vinna að fjölbreyttum verkefnum
  • vanda frágang verkefna
  • nýta þá tækni sem auðveldar námið.
Einingar: 4
Nánari upplýsingar á namskra.is