HEST2JA05 - Járningar og hreyfifræði

Þessi áfangi er samblanda af verklegri og bóklegri kennslu. Hér verður farið ítarlega í hreyfifræði hrossa í ólíkum gangtegundum og hvernig járningar geta haft áhrif á hreyfingu hrossa. Farið verður ítarlega í líffræðina bak við járningar; hófann og fæturna. Nemendur fá svo verklega kennslu í grunnaðferðum járninga, þar sem lögð er áhersla á jafnvægi og heilbrigða hófa.

Þekkingarviðmið

Nemandi skal hafa öðlast þekkingu og skilning á:

  • hugtökum sem tengjast hófum og fótum hestsins
  • áhrifum járninga á hreyfingu hestsins
  • líffræði hófa og fóta hesta

Leikniviðmið

Nemandi skal hafa öðlast leikni í að:

  • nýta fræðilegt efni jafnt á íslensku sem og erlendum tungumálum
  • beita gagnrýninni hugsun
  • beita röksemdarfærslu og draga ályktanir út frá staðreyndum
  • beita grunnaðferðum í járningu
  • greina hreyfingar og ganglag hestsins

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • miðla þekkingu sinni til annarra
  • beita gagnrýninni hugsun á markvissan hátt
  • nota hópavinnu til þess að leysa stærri og umfangsmeiri verkefni
  • sýna sjálfstæði í vinnubrögðum
Einingar: 5
Nánari upplýsingar á namskra.is