ENSS1LS02 - Líkaminn og skynfæri

Þessi áfangi leggur áherslu á að nemendur læri orðaforða á ensku í tengslum við líkamann og þá sérstaklega skynfærin. Með verkefnavinnu og tilraunum velta nemendur fyrir sér mikilvægi skynfæra og læra á sama tíma að tjá sig um eigin líðan og líkamlegt heilbrigði.

Þekkingarviðmið

Nemandi skal hafa öðlast þekkingu og skilning á:

  • orðaforða í tengslum við efni áfangans
  • mikilvægi þess að geta bjargað sér á ensku þegar um er að ræða heilsu og heilbrigði
  • lestri texta sem nýtast í daglegu lífi
  • upplýsingatækni sem nýtist í tungumálanámi.

Leikniviðmið

Nemandi skal hafa öðlast leikni í að:

  • lesa og skilja texta og vinna verkefni tengd honum
  • svara spurningum um daglegt líf og líðan
  • halda kynningu fyrir samnemendur og/eða kennara
  • leita uppi og finna afmarkaðar upplýsingar úr texta og myndmáli
  • stafsetja á réttan hátt algeng orð á ensku
  • beita viðeigandi hjálpargögnum við úrvinnslu ýmiskonar verkefna.

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • túlka megininnhald lesinna texta
  • beita virkri hlustun til að skilja inntak samræðna sem eiga sér stað í kennslustund
  • nota orðaforða og þekkingu í ensku við mismunandi aðstæður
  • nýta orðaforðann sem áfanginn byggir á
  • auka sjálfstraust og trú á eigin getu við að skilja og tjá sig á ensku
  • nýta sér læsi í víðu samhengi.
Einingar: 2
Nánari upplýsingar á namskra.is