ENSK3HÁ05 - Háskólaenska

Hér gefst nemendum tækifæri á að bæta sig í akademískum undirbúningi fyrir frekara nám. Í þessum áfanga verður lögð áhersla á að nemendur bæti við sig vísindatengdum orðaforða út frá áhugasviði. Megináhersla áfangans er að dýpka sig í akademískum vinnubrögðum með það fyrir sjónum að nemendur verði tilbúnari fyrir háskólanám. Mikil áhersla er á sjálfstæð vinnubrögð. Lögð verður meiri áhersla á tal og flutning, kynningar og rökræður. Þar að auki verða nemendur þjálfaðir í ritun með ýmsum verkefnum sem tengjast sérhæfingu nemenda. Nemendur skrifa viðamikla heimildaritgerð þar sem er gerð krafa um akademísk vinnubrögð og heimildavinnu samkvæmt APA.

Þekkingarviðmið

Nemandi skal hafa öðlast þekkingu og skilning á:

  • þverfaglegum orðaforða til markvissrar notkunar í námi á háskólastigi
  • rithefðum sem við eiga í textasmíð, m.a. um inngang með efnisyrðingu, meginmál með vel afmörkuðum efnisgreinum og niðurlag
  • mismunandi gerðum fræðitexta af ólíkum sviðum

Leikniviðmið

Nemandi skal hafa öðlast leikni í að:

  • lesa fjölbreyttar gerðir texta, bæði fræðilega og bókmenntalega
  • lesa efni sér til fræðslu sem gerir miklar kröfur til lesandans, bæði hvað varðar orðaforða og uppbyggingu
  • greina sögulegt, félagslegt, menningarlegt eða pólitískt samhengi í texta
  • nýta sér fyrirlestra, umræður og rökræður um efni menningarlegs eðlis
  • beita þeim lestraraðferðum sem við eiga eftir gerð texta eða viðfangsefnis
  • tjá sig munnlega, skýrt og hnökralaust um málefni sem hann hefur kynnt sér
  • skilja sér til gagns þegar fjallað er um flókið efni

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • beita málinu af lipurð og kunnáttu til að geta tekið fullan þátt í umræðum og rökræðum þar sem fjallað er um persónuleg, menningarleg, félagsleg og fjölmenningarleg efni
  • flytja vel uppbyggða frásögn, kynningu eða greinargerð, draga fram aðalatriði og rökstyðja mál sitt nokkuð nákvæmlega með dæmum og bregðast við fyrirspurnum
  • skrifa texta með röksemdafærslu þar sem fram koma rök með og á móti og þau eru vegin og metin
  • lýsa skýrt og greinilega flóknum hlutum eða ferlum á sviði sem hann þekkir vel
  • afla sér fræðilegra heimilda á gagnrýninn hátt
  • umrita og gera útdrátt úr fræðigreinum
  • nýta nýjan orðaforða í ræðu og riti
  • skrifa texta sem uppfyllir akademískar kröfur um orðaforða og uppbyggingu
  • nota APA tilvísanakerfið
Einingar: 5
Nánari upplýsingar á namskra.is