ENSK3ÁG05 - Ástarsagan, glæpir og fantasían

Áhersla verður lögð á ástarsögur og fantasíur, ásamt annarra bókmenntaverka sem fylgja fastri uppskrift. Nemendur setja á sig mismunandi hatta í þessum áfanga. Þeir setja sig í spor höfunda, lesenda, gagnrýnanda, rannsakanda og útgefanda. Nemendur kafa dýpra í mismunandi bókmenntaform, skoða þau frá ýmsum hliðum. Hvað er það sem viðheldur þessum vinsældum á þessum tegundum bókmennta?

Þekkingarviðmið

Nemandi skal hafa öðlast þekkingu og skilning á:

  • orðaforða sem gerir honum kleift að tileinka sér með góðu móti lesefni í áframhaldandi námi eða starfi
  • hefðum sem eiga við um talað mál t.d. mismunandi málsnið
  • rithefðum sem við eiga í textasmíð, m.a. um inngang með efnisyrðingu, meginmál með vel afmörkuðum efnisgreinum og niðurlag
  • mismunandi afstöðu og túlkun bókmenntahöfunda og dýpri merkingu texta

Leikniviðmið

Nemandi skal hafa öðlast leikni í að:

  • lesa fjölbreyttar gerðir texta, bæði fræðilega og bókmenntalega
  • beita þeim lestraraðferðum sem við eiga eftir gerð texta eða viðfangsefnis
  • skilja talað mál um kunnugleg efni þegar talað er skýrt og áheyrilega
  • tjá sig munnlega skýrt og hnökralaust um málefni sem hann hefur kynnt sér
  • tjá sig skriflega bæði á formlegan og óformlegan hátt

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • skilja daglegt mál, fjölmiðlaefni, inntak erinda, fræðigreinar og skáldskap
  • taka þátt í skoðanaskiptum, færa rök fyrir máli sínu og svara mótbárum og gagnrökum á viðeigandi hátt
  • tjá skýrt, lipurlega og blaðalaust fyrir áheyrendum um sérvalið efni sem hann hefur kynnt sér
  • skrifa formlegan og óformlegan texta og beita rithefðum sem eiga við í textasmíð
  • nýta nýjan orðaforða í ræðu og riti
Einingar: 5
Nánari upplýsingar á namskra.is