BRID1BY03 - Bridds - byrjunaráfangi

Í þessum grunnáfanga í bridds er farið í alla helstu grunnþætti spilsins. Nemendur byrja á því að læra einfaldaða útgáfu sem nefnist míníbridds þar sem stigagjöf, spilamat, úrspilun og vörn eru í forgrunni. Í framhaldi af því er farið að spila hefbundið bridds með notkun sagnkerfis. Í þessum grunnáfanga læra nemendur Standard sagnkerfið í nokkuð einfaldri mynd. Í kennslustundum er blandað saman æfingum og spilamennsku. Töluvert er spilað á internetinu og skrá nemendur sig á BridgeBase þar sem hægt er að setja upp ákveðna tegund af spilahöndum og greina síðan spilin í hópumræðum á eftir. Í lok áfangans er stefnt að því að nemendur spili annað hvort í byrjendamóti eða einhvers konar keppni.

Þekkingarviðmið

  • Mínibridds
  • grunnreglum í Bridds
  • mismunandi stigakerfum
  • standard sagnkerfinu
  • notkun sagnabakka og hegðunarreglum við spilaborðið
  • notkun briddsforrita á netinu og hegðunarreglum í netheimum

Leikniviðmið

  • meta styrk spila og tjá þann styrk með sagnkerfi
  • vinna með spilafélaga til að ná réttum samningi
  • gera spilaáætlun sem sagnhafi til að ná hámarksfjölda slaga
  • vinna með spilafélaga í vörn með leyfilegum merkingum
  • reikna út stig á mismunandi formi

Hæfnisviðmið

  • sýna samvinnu og umburðarlyndi með spilafélögum
  • vinna skipulega að settum markmiðum
  • þróa sinn eigin spilastíl
  • þróa hæfni í áætlunargerð
  • spila bridds sér til ánægju og yndisauka
Einingar: 3
Nánari upplýsingar á namskra.is